កាលពីថ្ងៃទី០៤ខែតុលា ឆ្នាំ២០២២ ក្រុមហ៊ុនអ៊ី ឆែ គ្រុប បានធ្វើការដាក់សម្ពោធ និងបើកដំណើរការការិយាល័យតាំងបង្ហាញផលិតផលថ្មី ដែលធ្វើការរចនាសាងសង់និងកែលម្អឡើងវិញដើម្បីនាំយកមកនូវបទពិសោធន៍ថ្មីសម្រាប់អតិថិជន ដោយផ្អែកទៅលើចំណុចសំខាន់ៗ០៣គឺការផ្តោតសំខាន់លើគុណភាព ការនាំមកនូវបទពិសោធន៍ថ្មី និងការបំពេញចិត្តរបស់អតិថិជន។​

ការរចនា និងការកែលម្អឡើងវិញបាននាំមកនូវទីតាំងដ៏ធំទូលាយជាងមុនផ្តល់ជូននូវផាសុខភាពសម្រាប់អតិថិជនក្នុងការពិនិត្យមើលផលិតផលដែលដាក់តាំងបង្ហាញ ជាមួយនឹងបរិយាកាសដ៏ស្រទន់ដែលបានរចនាឡើងនៅក្នុងទម្រង់លក្ខណៈទំនើបបែបសាមញ្ញ គ្រប់ដណ្តប់ទៅដោយពណ៌ឈើស្រទន់ ពណ៌ស និងពណ៌ប្រផេះស្រាលដែល ដែលជួយបង្កើនភាពលេចធ្លោដល់ផលិតផលនានានិងអាចជួយឲ្យអតិថិជនផ្តោតសំខាន់បានទៅលើការទិញផលិតផល។

ការិយាល័យតាំងបង្ហាញផលិតផលក្រុមហ៊ុនអ៊ី ឆែ គ្រុប មានផ្គត់ផ្គង់គ្រឿងសម្ភារសំណង់ សម្រាប់តម្រូវការប្រើប្រាស់គ្រប់ប្រភេទក៏ដូចជាផ្តល់ជូននូវសេវាកម្មជាច្រើនរួមមានការសាកល្បងផលិតផលផ្ទាល់ និងការពិគ្រោះយោបល់ដល់អ្នកម៉ៅការអ្នកអភិវឌ្ឍន៍ និងម្ចាស់ផ្ទះផងដែរ។ រាប់ចាប់តាំងពីផលិតផលដែក និងស៊ីម៉ងត៍រហូតទៅដល់គ្រឿងសម្ភារៈសាងសង់ដំបូលនានាការិយាល័យតាំងបង្ហាញផលិតផលយើងខ្ញុំ មាននាំយកផលិតផលដែលមានគុណភាពខ្ពស់សម្រាប់អតិថិជនដូចជាផលិតផលដែកម៉ាក​ 7ST STEEL ស៊ីម៉ងត៍យុថ្កា បន្ទះផ្សំអាលុយមីញ៉ូមអាលុយកាបូន (Alucobond) និង ប្រព័ន្ធការពារអគិ្គភ័យក្នុងសំ​បកអគារ Siderise ផងដែរ។

លោកថុង ហេងនាយកផ្នែកលក់ក្រុមហ៊ុនអុី ឆែ គ្រុប បានមានប្រសាន៍ថា៖  “យើងខ្ញុំពិតជាមានសេចក្តីសោមនស្សរីករាយណាស់ក្នុងការដាក់សម្ភោធន៍ឲ្យប្រើប្រាស់ជាផ្លូវការនូវការិយាល័យតាំងបង្ហាញផលិតផលថ្មីរបស់ក្រុមហ៊ុនអុីឆែ គ្រុប ដើម្បីជាការឆ្លើយតបទៅនឹងភាពរីកចម្រើន និងតម្រូវការរបស់អតិថិជន។ លោកបានបន្ថែមទៀតថា៖  “នេះគឺជាសមិទ្ធផលថ្មីមួយដែលបង្ហាញពីការខិតខំប្រឹងប្រែងដើម្បីឆ្ពោះទៅកាន់បេសកកម្មរបស់យើងគឺការបេ្តជ្ញាចិត្តលើគុណភាព សេវាកម្មរហ័សទាន់ចិត្តនិងការផ្តោតលើការបំពេញចិត្តអតិថិជន។

ក្រុមការងារផ្នែកបម្រើសេវាកម្មអតិថិជននិងប្រឹក្សាយោបល់ផ្នែកលក់របស់ក្រុមហ៊ុនអុី ឆែ គ្រុបរង់ចាំស្វាគមន៍ជានិច្ចក្នុងការផ្តល់នូវសេវាកម្មដ៏ល្អបំផុតជាមួយនឹងបទពិសោធន៍នៃការរចនាម៉ូតនិងបរិយាកាសថ្មីនៃការិយាល័យតាំងបង្ហាញផលិតផលរបស់យើង” ។

ក្នុងនាមជាក្រុមហ៊ុនផ្គត់ផ្គង់សម្ភារសំណង់ឈានមុខគេមួយនៅក្នុងប្រទេសកម្ពុជាអស់រយៈពេល២០ឆ្នាំនេះក្រុមហ៊ុនអ៊ី ឆែ គ្រុបនឹងបន្តប្តេជ្ញាចិត្តក្នុងការនាំយកផលិតផលដែលមានគុណភាពស្តង់ដារខ្ពស់ជាមួយនឹងតម្លៃសមរម្យដើម្បីធានាបាននូវការពេញចិត្តរបស់អតិថិជន។

សម្រាប់អតិថិជនដែលអញ្ជើញមកដល់ទីតាំងផ្ទាល់ឬអតិថិជនធ្វើការកក់ទុកជាមុន យើងខ្ញុំសូមស្វាគមន៍លោកអ្នកជានិច្ចដើម្បីផ្តល់ជូននូវបទពិសោធន៍ថ្មីពីការិយាល័យតាំងបង្ហាញផលិតផលរបស់យើងដែលមានទីតាំងស្ថិតនៅផ្លូវលេខ 143 I ផ្លូវបេតុង(V13)សង្កាត់ទួលសង្កែ ខណ្ឌទួលគោក រាជធានីភ្នំពេញ។

បើសិនលោកអ្នកមានចំណាប់អារម្មណ៍ក្នុងការពិគ្រោះយោបល់ជាមួយក្រុមផ្នែកលក់ជំនាញរបស់យើងសូមទំនាក់ទំនងតាមរយៈលេខ 092 869 123 / 023 99 09 60 ឬតាមរយៈ Facebook Page និង Telegram Channel របស់យើងខ្ញុំ។

‍