នាថ្ងៃទី ១៦ ដល់ ២១ ខែកុម្ភៈ កន្លងទៅនេះក្រុមហ៊ុន អុី ឆែ (YChhe) មានសេចក្តីសោមនស្សរីករាយយ៉ាងក្រៃលែងក្នុងការរៀបចំដំណើរកម្សាន្ត ទៅកាន់ប្រទេសកូរ៉េខាងត្បូងជូនដល់ដៃគូអាជីវកម្មរបស់យើង។ នេាះមិនត្រឹមតែជាការដើរកម្សាន្តប៉ុណ្ណោះទេប៉ុន្តែគឺជាការបង្ហាញនូវការអរគុណ ដល់ភាពជាដៃគូដ៏រឹងមាំ ការជឿជាក់លើគ្នាទៅវិញទៅមកនិងទំនុកចិត្តឥតងាករេ ដែលអតិថិជនបានផ្តល់ឱ្យយើងក្នុងរយៈពេលជាច្រើនឆ្នាំកន្លងមក។យើងជឿជាក់ថា មូលដ្ឋានគ្រឹះអាជីវកម្មដ៏រឹងមាំ គឺត្រូវបានកសាងឡើងតាមរយៈទំនាក់ទំនងដ៏ស្និតស្នាលហើយដំណើរកម្សាន្តនេះគឺជាឱកាសដ៏ល្អ ក្នុងការអបអរសាទរនូវជោគជ័យដែលយើងសម្រេចបានរួមគ្នានាពេលកន្លង។

ក្នុងរយៈពេល ៥ ថ្ងៃដ៏មានន័យនេះ ជាមួយបទពិសោធន៍ដែលទទួលបានគឺលើសពីការធ្វើដំណើរកម្សាន្ត។ដៃគូអាជីវកម្មរបស់យើងបានយល់កាន់តែច្បាស់អំពីប្រពៃណីវប្បធម៍របស់ប្រទេលកូរ៉េខាងត្បូងផងដែរ។ដំណើរបាននេះផ្តល់នូវបទពិសោធន៍ដ៏ពិសេសសម្រាប់៖

• ការកសាងទំនាក់ទំនង៖ ពង្រឹងចំណងមិត្តភាពទាំងក្នុងកិច្ចការវិជ្ជាជីវៈនិងទំនាក់ទំនងកានតែស្និតស្នាលរវាងក្រុមហ៊ុន អុី ឆែ និងដៃគូអាជីវកម្មទាំងអស់។
• ការបង្កើតមិត្តភាព៖ បង្កើតមិត្តភាពថ្មីៗនិងឱកាសក្នុងការតភ្ជាប់បណ្តាញទំនាក់ទំនង

ដើម្បីធានានូវដំណើរកំសាន្តមិនអាចបំភ្លេចបានក្រុមការងាររបស់យើងបានរៀបចំកម្មវិធីយ៉ាងសម្បូរបែប ដែលបង្ហាញពីវប្បធម៌កូរ៉េ និងភាពសប្បាយរីករាយនៃរដូវរងា៖

• បេតិកភណ្ឌ និងប្រវត្តិសាស្ត្រ៖ យើងបានទៅទស្សនារមណីយដ្ឋានបេតិកភណ្ឌជាតិ និងព្រះបរមរាជវាំងដ៏អស្ចារ្យដើម្បីស្វែងយល់ពីភាពអស្ចារ្យនៃស្ថាបត្យកម្មកាលពីអតីតកាល។
• ការជ្រួតជ្រាបអំពីវប្បធម៌៖ ដៃគូអាជីវកម្មរបស់យើងបានចូលរួមសិក្សាពីវប្បធម៌យ៉ាងស៊ីជម្រៅដោយទទួលបាននូវការគោរពចំពោះទំនៀមទម្លាប់និងប្រពៃណីដែលកំណត់អត្តសញ្ញាណនៃតំបន់នោះ។
• សិល្បៈធ្វើម្ហូប៖ យើងបានរៀបចំថ្នាក់រៀនធ្វើម្ហូបកូរ៉េដោយផ្ទាល់ដែលគ្រប់គ្នាបានរៀនធ្វើម្ហូបរសជាតិដើម ព្រមទាំងចែកចាយសំណើចនិងរសជាតិយ៉ាងរីករាយនៅជុំវិញតុអាហារ។
• ភាពអស្ចារ្យនៃរដូវរងា៖ យើងបានរីករាយជាមួយភាពស្រស់ស្អាតនៃរដូវរងាតាមរយៈសកម្មភាពដ៏រីករាយនៅលើព្រិលទឹកកកចាប់ពីការជិះស្គី រហូតដល់ការគយគន់ទេសភាពរដូវរងាដ៏ស្រស់ត្រកាល។

ជាចុងក្រោយ ក្រុមហ៊ុន អុី ឆែ សូមថ្លែងអំណរគុណយ៉ាងជ្រាលជ្រៅបំផុតចំពោះដៃគូអាជីវកម្មគ្រប់រូបដែលបានចូលរួមក្នុងដំណើរនេះ។វត្តមានរបស់លោកអ្នកបានធ្វើឱ្យដំណើរកម្សាន្តនេះកាន់តែមានន័យពិសេស។ទំនុកចិត្តជាបន្តបន្ទាប់របស់លោកអ្នក គឺជាកម្លាំងចលករដែលជំរុញការប្តេជ្ញាចិត្តរបស់យើងឆ្ពោះទៅរកភាពលូតលាស់និងរឹងមាំ។យើងនៅតែប្តេជ្ញាចិត្តក្នុងការផ្តល់ជូនលោកអ្នកនូវ ផលិតផលដែក 7ST ដែលមានគុណភាពខ្ពស់បំផុតដើម្បីធានាថាគម្រោងរបស់លោកអ្នកត្រូវបានកសាងឡើងនៅលើមូលដ្ឋានគ្រឹះដ៏រឹងមាំនិងជាប់ធន់ ដូចជាភាពជាដៃគូរបស់យើងដូច្នោះដែរ។